kuleroak burura eta salto mundura

Ai amaaaaaa!! Badatorrela!

2011-03-17T07:06:00.000-07:00

Badator-badator, igartzen duzu? Prest al zaudete eztabaidatzeko eta ongi pasatzeko? Gu jada urduri gaude; irrikitan zuek guztiok larunbat honetan Putzuzulon ikusteko. Beti bezain indartsu etorriko zarete, ezta?

Azken orduko pare bat ohar aipatu nahi ditugu:

Larunbateko hausnarketa eta festa eguna ERABAT DOAKOA izango dela! Erdaraz esan ohi den bezala, estamos que lo tiramos! Jakingo duzuenez, egunez eztabaidan arituko gara baina iluntze aldera jaiari emango diogu hasiera Emakumeok Plazarakoen eskutik.

Ene-ene! Zenbat gauza atsegin prestatu dituzten emakume artista hauek! Artelan feministen erakusketa egongo da, laburmetrailen proiekzioa eta antzerkia. Eta hori gutxi balitz, Eutsi, Las Sexpears eta DJ Korta y Pega arduratuko dira gure aldakak gau guztian dantzan jartzeaz. Horretaz gain, inongo eragozpenik izan ez dezazuen festaz gozatzeko, jakin ezazue, Putzuzulon LO EGITEKO AUKERA EGONGO DELA. Beraz, nahi duenak lo egin, LO-SAKUA EKARRI beharko du.
Ah!Eta ezinbestekoa izango da, gogo bizia eta gordeta duzuen irririk politena ekartzea!

Aiaiaiaiaiiaiiaiiiiiiiiiii! Gora gu! Aupa neskak! Larunbatean 11:30etan topatuko gara Putzuzulon!

OH: nahi duenak entzungai du atzo Irauli uhinak irratsaioan egin ziguten elkarrizketa.Aupa irauliko neskak ere! http://topatu.info/irauli/

Begira zer aurkitu dugun Berria egunkarian

2011-03-14T05:29:00.000-07:00

Tolosako super feministak kuleroak buruan dituztela inauterietan ere lanerako prest! Ikusi!
Aupa neskak! A ze inbidia eman digun zuen saltsak!

Kuleroak burura eta.... al ataaakeeerrr!

Material berria prest

2011-02-23T07:39:00.000-08:00

Gero eta hurbilago dago berriz elkartuko gaituen hausnarketa eta festa eguna, Putzuzulo gaztetxea Euskal Herriko damak jasotzeko lanetan ari da jada. Patriarkatuaren garretatik askatuko gaituen edabea ia prest dago, soilik zure/gure ideiak falta dira lapikoan. Gure burutxoetan ditugun gogo eta asmoak martxoaren 19an ere hitz eta praktika bihurtuko ditugu. Lapikoak eztanda egingo du beste behin eta gure herrietatik datorren olatua uholde bilakatuko dugu guztion bulkadaz.

Ez zarela honetaz pentsatzen hasi oraindik? Lasai. Gutaz, neska gazteotaz eztabaidatuko baitugu; ez zaizu arrotza egingo kalaka. Motorrak berotzen joan zaitezen, herrietan banatuko ditugun eskuorrietan datozen itaunen inguruan hausnartu dezakezu.

Ze haizan, inoiz pentsatu ahal dun neska eta gazte haizen? Zergatik? Zein den hire eta gure errealitatea? Zerk batzen gaitin? Zertaz hagoen nazkatuta? Zer apurtuko huen? Eta zer sortu? Elkartuko al gaitun?

Hemendik zure inguru hurbilean galdera horietaz eta zuek mahaigaineratzen dituzuen beste hainbestetaz pentsatzerako gonbidapena luzatzen dizugu.

Uholdea indartzen duen olatu morea gugandik sortzen da eta horregatik da garrantzitsua Putzuzulo gaztetxean ospatuko dugun hausnarketa-festa eguneko deia lau haizetara zabaltzea. Nahi adina zabaltzeko zure eskura daude kartela, eskuorria (A eta B aldeak) eta bannerra!

Bueltan eta indartsu

2011-02-11T09:58:00.000-08:00

Bizi gera esaten du euskal abesti batek eta haren esanari jarraiki, hemen gatoz berriro bizi bezain bixi.

Kontua da, neska gazte bezala ase gabe jarraitzen dugula oraindik, Hernanin, gutaz, gure identitateaz, ezer gutxi eztabaidatu genuen eta gehiagoren egarriz gelditu ginen asko.

Iazko maiatzeko topaketera botatzen badugu begirada, akordatuko gara mugimendu feministan ematen ari ziren/diren eztabaida batzuk bertaratu genituela, baina zurrunbilo more horretan neska gazte bezala bizi dugun errealitatearen isla hanka-motx gelditu zen. Ondorio horren harira, uste dugu badela garaia gure errealitateaz geuk hitz egiteko, neska gazte izateak suposatzen duenaz eztabaidatzeko, elkarrekin nolako herria nahi dugun esna gaudela amesteko, eta nola ez, berriro gu guztion bideak gurutzatzeko.

Guzti honetaz hasunartzeko "HAUSNARKETA FESTA EGUNA" antolatu asmo dugu martxoan. Ezinbestekoa da guztion ekarpena eta beti bezala zurekin oroitu gara, asko baituzu esateko eta eskaintzeko! Horregatik, datorren ostiralean (otsailak 18) 18:00etan Donostiko Craj-en burutuko den Jaikiko asanbladan parte hartzeko gonbidapen luzatzen dizugu.

Asanblada horretan Hausnarketa-festa eguna-ren inguruan hitz egiteaz gain, kanpora begirako zabalpenerako argazki bat ere aterako dugu. Beraz! Ez ahaztu zure kuleroak ekartzea!

Goxotasun eta indarrez beteriko esker onak!

2010-05-10T11:13:00.000-07:00

Biharamuna da gaur, asteburuko zurrunbiloaren biharamuna, eta pozik gaude. Irribarrea ahotik ezin kenduta. Asteburua, zoragarria izan baita, ahaztu ezin diren gauza horien modukoa.

Berezia izan da oso ostiraletik igandera artean sentitutakoa eta egindakoa. Hiru egunez feminismoan bizi izan gara eta honen ostean argi daukagu aurrerantzean ere horrelaxe bizi nahi dugula. Praktika feministan. Elkarlanean, parekidetasunean, goxotasunean, indarrez, eztabaia ardatz hartuta, kritikotasunez hausnartuz, ikasiz, haziz, heziz, maitatuz, gorrotatuz eta borrokatuz. Gustura. Askatasunez garena izanez eta izango garena sortuz. Dagoena irauliz.

Iraultza honetan beharrezkoak diren lau osagai elkartu ditugu Hernanin:

Zapalduaren ahotsik ozenena, emakumea. Ideia berriekin ingurua eraldatzeko, gaztetasuna. Borroka feministan aurrera jarraitzeko, umorea eta tinkotasuna. Osagai hauek nahastuta, gelditu ezin daitekeen trenean goaz, parada bakoitzean elkarpen berriak geureganatzeko aukera ematen digun bidaia da gurea. Badakigu zein den helmuga, herri feminista. Horretarako patriarkatuari, kapitalismoari eta heterosexismoari hortzak erakutsi behar dizkiogu orain artean bezala. Batzuetan barrezka eta besteetan amorruz, beti emakume gazteok sutan!

Jaiki buru batzarretik eskerrik beroenak eman nahi dizkizugu zuri, guzti hau posible bilakatzearren. Baita zuri ere, Hernanira hurbiltzearren eta izan dugun giro ona sortu zedin, daukazun onena eman duzulako. Eskerrik asko, topaketa hauen ahots eta bozgorailu izan zareten guztioi, bereziki topatu.infokooi eta Leitzeko nexkatikoari. Eta nola ez matte, zori, buruan genituen kuleroak hain ondo plazaratzearren irudi erakargarriekin. Antolatzen jardun duzuenoi miresmenez eskerrik asko. Eztabaidetan parte hartu duzuenoi. Hernaniko herriari, etxean bezala sentiaraztearren eta behar izan dugunean prestutasunez laguntzearren; eta taberna laguntzaileei zuen ekarpenagatik eta gure gorputzak dantzan ere askatzeko jarritako musikagatik. Ziurrrenik ahaztuko zaigu norbait, baina jaso honetan aritutako guztiok gure esker ona . Ametsa egi bilakatu dugulako ZORIONAK ETA ESKERRIK ASKO! Plazer bat izan da.

Aurrerantzean bidelagun izango garelakoan besarkada moreak eta muxu gorriak zuretzat.

Ondo izan eta laster gure berri izango duzue hemen, ezer ez baita bukatu...

150 lagun kuleroak buruan eta Hernaniko kaleak morez margotzen

2010-05-09T04:57:00.000-07:00

Espero bezala Hernani aldarrikapenez bete zen: Kuleroak burura eta salto mundura!

150 lagun garrasika, korrika eta feminismoaz gozatzen, EH osoak aditu zituen Hernani aldetik botatako oihuak. Bukatzeko,ekitaldi mundiala(Zorionak neskak kristona izan zen!). Oholtzara igo eta bat egin genuen: bertsoak, abestiak, dantza, aldarrikapenak, kritikak, irriak eta hiru egunetan zehar bizitako emozio guztien eztanda!

Noski, ez ziren faltatu sistemaren kontrako harrikadak, indar metaketa izan zen, lurrikara izugarria.

Ekitaldi ostean parrandatxoaren unea heldu zen. Hanka hutsik, Furia eta Omega raperoak eta DJ corta y pega. Ais...gaur ere batzuk ahotsik gabe zeuden, kuleroak buruan izanda hartutako tragoaen ondorioz...giro itzela!

Gaur goizean, lo gutxi eginda ere, sorkuntza feministari buruzko hitzaldian hor egon gara gazte feministak, artean emakumeek izan duten presentzia aztertuz eta arma garrantzitsu hau beldurrik gabe geureganatzeko nahiarekin ( atera ditzagun gure barneko artistak!)

Eta orain? Bazkariaren ordua heldu daaaaaaaa!!
mmmmmmmmmm......!
Goazen bertsoak aditzera, harremanatzera, elkartzera eta nola ez, plater goxoak dastatzera.
Hau oraindik ez da bukatu!

Ongi bazkaldu ostean izango duzue gure berri, on egin neskak!

Goxo goxo bazkaldu ondoren identitateen gaiarekin eman diogu hasiera

2010-05-08T11:39:00.000-07:00

Goiz politta igaro ondoren, bapo bazkaldu dugu arroz paella goxo goxo bat eta arratsaldeko saioari eman diogu hasiera. Siestarako tarterik gabe, axkar axkar mahaietik altxa eta Euskal Herriko mugimendu feministako hiru talde ezberdinek identitateen inguruan jardun dira; Bilgune Feminista, Medeak eta Pikarrai taldeko nexkak fin aritu dira gaiaren azalpenean.

Bestalde,arratsaldean, pelukak, luma gorrizko oihalak lepoan jarri, harreman eredu ezberdinen inguruan jardun, gure jarrera propioen inguruan hausnartu ondoren, kalera irteteko garaia iritsi da. Hernaniko kaleak kolore morez margotuko ditugu orain egingo dugun manifestazioan. Nexkak: "Kuleroak burura eta salto mundura"!!!

Ondoren, berriz, afaldu eta jaiaz gozatzeko aukera bikaina izango dugu! Ongi pasa nexkak, elkarrekin eta elkarretaz ikasiko dugulako, gozatu dezagun!!!!

Jolas eta kulero artean saltoka!

2010-05-08T03:35:00.001-07:00

Taldeka, binaka eta banaka; eskuak luzatu eta gure gorputza zein albokoarena ukitu, sentitu. Ukituz sentitu, eta sentituz gozatu. Eskuak, besoak, gerrialdea, sabela... Maitatu, baina horretarako ezagutza ezinbestekoa dugu. Gure gorputzak sortu eta gure gorputzean sortzen zaizkigun sentimenduen eta sentsazioen kontzientzia hartzeko helburua izan zituzten bart gauean egindako kontaktu jolasek.

*Zelako inbidia!

Bien bitartean, beste talde bat frontoiko lehen solairuan eserita. “Sexualitate positiboa”, mmmmm Sexualitatea, bai da positiboa, baina beti da positiboa? Nork baldintzatzen digu; besteak? Geure buruak? Honen inguruan jardun zuen atzokoan La Jugueteríako arduradun Olik. Lubrikanteak, jostailuak, arnesak... Oliren hitzetan, “norbere ardura da praktika sexual positiboak edukitzea, horretarako, jokoa oinarri hartuta arakatu egin behar ditugu gure nahiak, desioak, gorputza...”. Beraz, nexkak gure gorputza kuxkuxeatzera, nahi izatera bakarrik, edo lagunekin, edo albokoarekin...aukerak ez dira falta!

*Olirekin sexu positiboaren tailerrean

Gaueko loaldiaren ondoren, bufff ze aurpegitxoak eta begi zuloak!!! Ezetz! Oso polittak gaude nexkak! Eguna ongi hasteko, kafesnea, tea, madalenak, galletak...aukera zabala. Atsegindeko plazan 90 nexka bildu gara; loaldiko kontuak, atzoko eguneko balorazioa... Eta eguneko egitarauari errepasoa egin ondoren, batzuk, autodefentsa tailerrera eta besteak, berriz, hezkidetzaren inguruko hitzaldira. Beno nexkak animo eta disfrutatu, gero arte!!!

*Gure ohetxo bigun eta erosoak

3,2,1...Hasi dira Euskal Herriko emakume gazteon III. topaketak!!!

2010-05-07T14:07:00.000-07:00

Momentu honetan eguraldiak kontrakoa adierazten badu ere, badoa giroa berotzen Hernani aldetik!Iabadabaduuuuuu!!!

Goizean-goizetik umore onez ekin diogu lanari. Irribarrearen ondoan zoramen puntua nonahi; afaria egin, frontoia txukundu, kuleroak zintzilikatu...eta dena prest izen emateak hasten zirenerako! je je je! Ge-zu-rra!

Onartu beharrean gaude onez gero neskak puntualitatea ez dela gurea. Gure buruei errua botatzea baino errazagoa denez teknologia berrietan aurkitzea berandu hasteko arrazoia, gaurkoan ere horretara joko dugu. Zoritxarrez, esan dugun horrek aitzakiatik gutxi du eta egiatik gehiegi.

Hala, iluntze aldera 80 bat neska gazte bildu gara Hernaniko kiroldegiko frontoian eta hasiera eman diogu ongi etorri ekitaldiari. Aurkezleek adierazi digutenez, "garrantzia handia dauka neska gazteok horrelako espazioetan elkartzeak". Hiru egunetan zehar ondo pasatzeaz gain, eztabaidetan parte hartzeko eta feminismoaz hausnartzeko gonbitea luzatu digute bertan bildutakooi. Ondoren oharren txanda iritsi da eta guztioi betebeharrez josi gaituzte. Ohianak eta Kattaliñek topaketetan buruan kulero gabe dabiltzanei mehatxua zuzendu die, "azken eguneko desmuntaketa zuen esku geldituko da!".

Miren Aranguren andereño txit agurgarriaren bitartez Euskal Herriko mugimendu feministak izan duen bilakaera ezagutu dugu. Hitzaldia Emaginek (Euska Herriko dokumentazioa eta ikerketa zento feministak) azken urteetan egindako azterketaren emaitza izan da. Emaginekoek hipotesi nagusi batekin dabiltza lanean: "Euskal Herriko mugimendu feminista indartze une batean dago, goraka!", eta gaurko topaketak horren adierazle direla baieztatu dute. Garrantzitsua da helburua argi izatea, kasu honetan, patrairkatu suntsitzea, baina non gauden ulertzeko ezinbestekoa da nondik gatozen ezagutzea. Horrela, Mirenek 1970etik 2007ra artean Euskal Herriko mugimendu feministak izan dituen 3 etapa nagusiren gaineko laburpena egin digu eta azken urteei erreparatuz inori ez zaio dudarik gelditu aparra bezala goranzko bidean doala iraultza morea.

Besterik ez gaurkoz, pasta entsalada goxoa eta kontaktu eta sexualitate jolasak zain ditugu eta!

Gora gu! Eta gora neska gazte feministon borroka!

Ongi etorria, ikusten duzuenez denak kuleroak buruan dituztelaaaaaa!

Guztiak Miren entzuten,txintxo-txintxo

Zenbait ohar

2010-05-06T05:22:00.000-07:00

Badatozela egun handiak, neskak! Jakin bagenekien lanak ondo egiten ari baginen ere, azken orduan hainbat gauza agertuko zirela egiteke. Eta gure iragarpenak bete dira, horrela izan baita. Lotzeko genituen gauzekin batera gainera, arazotxo batzuk ere izan ditugu, baina beno, bagabiltza guztiok hordagoari eusten.
Horretaz gain, esan behar dizuegu sentitzen dugula izen ematearen argibideak gazteleraz eta frantsesez hain berandu jartzeagatik; hau da egiteke geneukan eta azken orduan konturatu garen gauzetako bat!
Zenbait kontutxo argitzeko idazten dugu:

Hernanira etorri ezingo zaretenontzat, sorpresa bat daukagu......trrrr, trrrr, trrrr (tanbor hotsak): Topaketen jarraipen zuzena egingo da blogetik!! Espero dugu bertan egon ez arren zuengana hurbiltzeko modu bat izatea.
Topaketetan emakume taldeek aukera izango dute beraien materiala saltzeko. Larunbatean 21etatik 24etara, hain zuzen.
Eztabaida gehienak euskaraz izango dira. Baina hiru egunetan zehar itzultzaileak izango dira bai frantseseratzeko eta baita gazteleratzeko. Horretarako neskak, guztion beharra izango dugu eta kolaborazioa eskatuko da ostiralean.
Azkenik, Euskal Herriko mugimendu feministako hainbat eragilek Jaikiko topaketetan parte hartzeko gonbitea luzatu dute. Hona hemen beraien prentsa oharra:

Besterik barik animo eta bihar arte! Ez ahaztu Hernani apaintzeko kuleroak ekartzea eta beste batzuk buruan jartzeko!

Ondo izan.... eta orain bai, gero arte moreak guztiontzat!

YASTA!! IRITSI DIRA IA IA!!!

2010-05-05T12:18:00.000-07:00

Bueno neskak!! Denbora luze honen ostean, topaketen atarian gaudenez, azken ohar eta kontutxoak esatea besterik ez zaigu falta!!

Lehenik eta behin, eskerrikasko puntual-puntual izen ematea egin duzuen guztioi, baita kuleroen kanpaina guztian zehar argazkiak bidaltzera animatu zaretenoi ere!!! (Badakigu argazki batzuk ez direla spot-ea ageri, baina ez larritu, erabiliko ditugu ta!!)

Ohar teknikoagoei dagokienez...:

Maiatzak 5 da izen ematea aurrez egiteko azken eguna!!! (5-a barne!!)

- Ostiralean izen ematea 17:00etatik aurrera egingo da (bai izen eman duzuenontzat eta bai bertan izen emango duzuenontzat ere).

- Bestalde asteburu osoan zehar izango da irekita egun bakarreko bonoak nahi dituztenentzat inskripzio gunea.

- Lotarako, ez ahaztu lo-zakua eta esterila ekartzea. Eta ahal baduzue linternatxo bat ere ongi etorriko da gauea buru gehiegi ez zanpatzeko.

- Dutxarako txankletak ekarri behar dira.

- Eta azkenik ez ahaztu, Bizkaiatik autobusa antolatu dela:

Bi tokitan hartu ahal izango da:
- Bilboko San Nikolasen, 16:45tan

- Durangoko Madalena geltokian, 17:30etan

IZENA EMAN OSTEGUNA BAINO LEHEN busbizkaiahernani@gmail.com-era idatzita.

Azkenik egitaraua hementxe duzue.

Neskak, hainbeste izerdi feministen ondoren... iritxi da eguna zuen kulero dibinoenak kajoitik atera eta buruan jarrita Hernanira joateko!!!! Bertan ikusiko dugu elkar...

GORA BORROKA FEMINISTA!!!

---------------------------------------------------------------------------

Bueno chicas, después de tanto tiempo ya ha llegado la hora!! Entre nervios solo nos queda hacer los últimos apuntes:

Primero gracias a todas aqellas que habéis hecho la inscripción tan puntuales! Y como no, gracias a todas las que os habéis animado en la campaña de las bragas mandándonos fotos!!

En cuanto a los últimos apuntes técnicos...:

El último día de la inscripción anticipada es el 5 de Mayo. Para ello tenéis que mandar un mail a jaikitopaketak@gmail.com con los datos que se os piden en este documento y hacer el correspondiente ingreso.

Po otro lado recordad:

- La inscripción en Hernani empezará a las 17:00 en punto (tanto como para las que hayais hecho la inscripción de antemano, como para las que lo hagáis el mismo día).

- y durante el resto del finde siempre habrá un punto donde comprar los tickets de un solo día.

- No olvidéis el saco de dormir y la esterilla! Incluso si tenéis alguna linterna os vendrá bien para no pisar cabezas!

- Para la ducha tampoco olvidéis las chancletas.

- Por último se ha organizado un autobús desde Bizkaia que partirá desde:

Bilbo: San Nicolás 16:45

Durango: Madalena a las 17:30

Si estáis interesadas, mandar un mail antes del jueves a busbizkaiahernani@gmail.com

Por último, pedir discupas por el tema del idioma, por no hacer una inclusión antes, y recordaros que siempre habrá alguien traduciendo para aquellas que no entendáis bien el euskera, para que no os perdáis nada!

Una brazo feminsita,

GORA BORROKA FEMINISTA!!!

---------------------------------------------------------------------------------

Espot-a!!

Topaketetara joateko Bizkaitik autobusa antolatu da

2010-05-04T04:10:00.000-07:00

Bi tokitan hartu ahal izango da:
- Bilboko San Nikolasen, 16:45tan
- Durangoko Madalena geltokian, 17:30etan
IZENA EMAN OSTEGUNA BAINO LEHEN busbizkaiahernani@gmail.com-era idatzita

Azkenean... SPOT-a!!

2010-05-03T04:38:00.001-07:00

Izen ematearen argibideak eta Bilboko aurkezpena

2010-04-29T12:18:00.000-07:00

Badirudi arazoak daudela izen emate orriarekin. Izan ere, batzuk saiatu gara igotako dokumentu horretan agertzen den kuadrotxoa orrian bertan betetzen. Igarriko zenuten behin onez gero hori egitea ezinezkoa dela, ez?
Zuen jakintza informatikorako neskak: igotako dokumentua PDF formatuan dago, beraz, ezin daiteke bere gainean inongo aldaketarik egin. Hau da, ezin duzue kuadrotxoa bertan bete. Ados?
Beraz, egin beharrekoa da jaikitopaketak@gmail.com-era idatzi email bat ondoko datuekin: izena, herria, adina, haragijaleak garen edo ez eta ea kontutan hartu beharreko behar bereziren bat daukagun edo ez.
Atx-atx-atx, badakigu teknologia berriak eta XXI. mendeko aurrerakuntza bezala saldutako atzerakuntza asko ez direla gure estiloa, baina beno, ohitu beharko gara. Se la vi!

Espero dugu aurrerantzean horrelako arazo teknikologikorik ez izatea izen emateko. Ah! ez ahaztu datuak eman ostean bankuan 25 euro sartu behar ditugula kontu korrontean.

BILBON TOPAKETEN AURKEZPENA apirilaren 30ean:
19:00etan Bilbo apaintzera!! Errondabide tabernatik
20:00etan poteoa eta Bingoa Alde Zaharretik.

Animatu eta parte hartu kuleroak buruan dituzuela!!

Egitaraua eta izen ematea

2010-04-23T14:06:00.000-07:00

NON, ZER, ZERGATIK; NOIZ, ...?Aiaiaiaiaia mila galdera, aiaiaiaiaiaiai erantzuna non ote da!
Euskal Herriko emakume gazteon III. topaketen inguruan bada oraindik galderak dituenik!Ez gutxi gainera, lotsabakos! Bada, iritsi da galdera guztiak argitzeko eguna.
*Non?: horren erantzuna, bai ezta neskak?. Hernanin
*Zergatik?: hau ere bai, ezta?. Sinplea: emakume garelako eta ez gaudelako konforme. Nahikoa delako!! Eta aurrerantzean sistema patriarkar, kapitalista eta heterosexistari hortzak erakutsi nahi dizkiogulako.
*Noiz?: Maiatzaren 7, 8 eta 9an.
*Zer?: trrrrrrtrrrrrtrrrr (tanbor hotsak). Zu zeuk ikustea hobe. Horretarako sakatu EGITARAUAren gainean.
*Izen ematea, prezioa, eraman beharrekoa eta beste zehaztapen guztiak dokumentu honetan bildu ditugu.

Besterik barik,segi azkar izen ematera!
Badatorrelaaaaaaaaaaa!!!

Prentsaurrekoa eta Azpeitia + Gasteiz!

2010-04-21T02:35:00.000-07:00

Aupa Neskak!!!

Argazkiak iristen jarraitzen dute eta guk ba bertan jartzen jarraituko dugu!! Azkenak Azpeitiatik eta Gasteiztik iritxi zaizkigu.

Bide batez aprobetxatu nahi dugu, abixatzeko Ostiralean 12etan Ibaetako kanpusean (Donostia) prentsaurrekoa egingo dugula, jornaden berri emateko, eta beraz azaltzera animatzen zaituztegula!! Noski, kuleroak buruan jarrita!!

Animatu!!

Neskak gero eta gutxiago geratzen da!!!

Donostia people

2010-04-16T03:07:00.000-07:00

Jajajaja! Ze parrak bota ditugun argazki hauekin!! Zuek bai hartu dezutela al pie de la letra estatua oro eta guztiak inbaditzea. Pio Baroja, Sarriegi, Esnaola, Zakur edo bitxo hori...!! Jajajaj!

Hau earra da, igo egin behar da horra e?? Heroirik (edo martirrik) behar badegu Jaikin, badakigu nori deitu!

Gure imajinazioak esaten digu, leohia sodomizatzen ari dela hemen baten bat... jjiji

Sarriegi maite maite duzuela argi geratu zaigu...

Esnaola izugarri errespetatzen dute neska hauek, erritualak egiteraino (unga txaka unga...!!)

Eta orotan txit goren... PIO BATOJA. Dotore jarri dute!!

Neskak, orokorrean kulero akelarre honetara animatzen ari zareten guztioi, ESKERRIKASKO!!! Sekulako parrak botatzeaz gain, ikusten ari gara, Euskal Heriko neskak borrokarako gogo biziz gaudela, eta gainera umorea ez dugula alde batera uzteko inongo intentziorik!! Segi bidaltzen zuen argazkiak, eta segi horrela!! Espero dugu Hernanin ikusten garenean umore eta alaitasun honekin jarraitzea!!

Bestetik ez ahaztu gaur Gasteizen Asanblada dagoela, azkeneko kontuen berri emateko, eta antolakuntza kontuak komentatzeko.

KULEROAK BURURA... ETA SALTO MUNDURA!!!

Azken txanpan buru belarri!

2010-04-14T04:31:00.000-07:00

Euskal Herriko emakume gazteon III. topaketetarako hilabete eskaz falta den honetan gogotsu dihardugu lanean Hernanin ahalik eta ondoen atera daitezen gauzak. Oraindik asko dugu egiteko, jakina baita garaiz ibiltzea ez dela gure bertute nagusia. Baina larritu gabe, bagoaz eta aurrera pausu onean. Hurrengo parada ostiral honetan daukagu 18:00etan Gasteizko gaztetxean, asanblada horretan aurrera begirako eginbeharrekoak zehaztuko ditugu.

Honetaz gain, lehengo astean Hernanin bildu ginenok filmatu genituen kuleroak burura eta salto mundura spotaren lehenengo irudiak. Spota Euskal Herriko txoko ezberdinetako argazkiekin osatuko dugu eta igandera arte [apirilak 18] zabaltzen da epea irudiak bidaltzeko gaztefeministak@gmail.com helbidera. Beraz, badakizue neskak, ahaztu gabe atera zuen herrietako harrizko, egurrezko, burnizko edo bestelako pertsonaiei argazkiak; kuleroak buruan dituztela, noski. Jada Irungo kantinerak soineratu ditu kuleroak, eta joan den asteburuan Donibane, Balmaseda edo Zarautzera hurbildu zenak inor ikusiko zuen kuleroak buruan dituela kalean gora eta behera. Badoa giroa berotzen.... iabadabaduuuuu!!!!

Materialen atalean sartu ditugu III. topaketen kartela, pegata eta triptikoa. Zuen herrietara iritsi ez badira edota gehiagoren beharra baduzue beraz, hemen eskuragarri dituzue.

Ostiralera arte!

Kulero gehiago! (Bilbo+Iruña+Hernani)

2010-04-14T03:57:00.000-07:00

Bilbotik jasoberri ditugu neska graziosa hauek!! Hori ona argazkia!! Aupa neskak!!

Iruñatik familiari (tradizionalari jojo) egindako estatuaren argazkia!! Tomaiii!!

Eta Hernanitik, poteo kuleratua jajjaja. Hori bai ona! Zarautz eta Hernaniren artean modan jarriko da!!

Zarautz eta Iruñatik! + BILBO

2010-04-11T06:53:00.000-07:00

Iruñatik, parrokia kulerizatuz eta mundura salto eginez iritsi zaizkigu argazkiak!!! Eskerrikasko neskak!! Segi kaña ematen!!

Eta Zarautz-tik, gaua eta kalea gureak ere badirela argi geratu zaigu!!

Irundik!

2010-04-09T03:14:00.000-07:00

Irundik iritsi dira hurrengo kuleroak!! Eskerrikasko neskak eta segi bidaltzen!!!

Lehenengo kuleroak!!

2010-04-08T05:01:00.000-07:00

Aupa Balmasedako neskak!! eskerrikasko zuen argazkiengatik!!
Hauek dia animatu dian lehengoak!! Spot-a osatzeko argazki ederrak!!

Animatu zaitezte besteok ere!!!

Kuleroz beteko ditugu EH-ko kaleak!!

3, 2, 1...

2010-04-05T15:43:00.000-07:00

Aupa polittek!

Asteazkena 7, goizeko 11:00tan Hernaniko Tilos plazan geratu gara Jaikiko spot-a grabatzeko! Anima zaitezte, gero eta jende gehiago hobe aterako baita!!

Gainera gero bazkaltzen geratuko gara nahi izanez gero, eta bazkalostean bilkura bat egingo dugu, gauzak nola doazen etab komentatzeko!

Bestalde, azaltzen ez bazarete ere, zuen laguntza behar dugu spot-a osatzeko, ondorengo ideiak bildu genituen aurreko asanbladan:

- Zuen herriko estatua, busto... eta abar gizon intelektual horiei, kuleroak buruan jarrita argazkiak ateratzea edo bideoak grabatzea eta bidaltzea.

- Espazio publikoa betetzen duten ikur edo leku ezagunak kuleroz betetzea.

Hau atera zen gutxi gora behera baina ideia berriak badituzue, bidali!! Herri eta hiri bakoitzak zuen inpirazioz eta kuleroz bustitzera animatu eta bidali zuen ekintzak!!!

Ba horixe... ANIMATU!!!

ABORTATUTAKO PLANA!

2010-04-01T02:29:00.000-07:00

Adi neskak, azken orduko aldaketatxo batzuk baititugu. Kontua da pegata eta kartelen banaketarako kedada Durangoko DEC-en [Durango Exibition Center] zehaztu genuela. Eguna beraren ezaugarriak ikusita, hainbeste kartel soinean erabiltzea ez zaigu praktikoa iruditu, beraz, bertan behera uzten dugu banaketarako geneukan asmoa. Modu honetan lasai antzean ibili ahalko gara gaztEHerrian dantzan.

Banaketa plana abortatu da, baina Durango kuleroz janzteko pegadako kedadak bere horretan jarraitzen du. Beraz, ahal duzuenok agertu zaitezte goizeko 11:00etan DEC-eko sarrera nagusira.
Ez ahaztu kuleroak eramatea buruan jartzeko!

Pegadan bertan zehaztuko dugu nola egingo dugun banaketa...

Kartela eta Durangoko kedada!

2010-03-30T10:35:00.000-07:00

Beno, beno, beno... ikusten duzuen bezala hementxe dago labetik atera berri den kartel ZORAGARRIA! Espero dezagun hemendik aurrera gure herrietako paretak Jaikiko arrosa kolore honetaz tindatzea. Lehenengo kedada Durangon izango dugu ostiral honetan eguerdiko 14:00etan Landako guneko, DEC (Durango Exibition Center) bezala ere ezagutzen dena, ate parean. Bertan hasiko da lehenengo pegada handia, eta kartel banaketa. Ezin baduzue etorri, edo dudarik baduzue zuen herrietara kartelak iritsiko direla, bidali email bat jakinarazten eta lasai, laister batean iritsiko zaizkizue eta kartelok!

Kartela, pegatak eta triptikoa Bitartekoen atalean daude. A! Eta ez ahaztu zuen kulero dibinoenak buruan jarrita azaltzea!!!

Bestetik, jakin gaztEHerria-ren kontsultaren erantzun guztiak baiezkoak izan direlarik, atxikimendua eman dugula. Hortaz, neska guztioi gure kuleroen presentzia Durangon hilak 2an ospatuko den independentziaren aldeko gazte olatuan nabari dadin bertaratzeko deialdia egiten dizuegu.

Material berria eskuragarri

2010-03-24T11:02:00.000-07:00

Ez da nolanahiko lana topaketen kontu hau atontzearena! Baina ez gara makalak neskak eta bagoaz pixkanaka pixkanaka bidea egiten! Esan ohi dugun legez, zuhaitzak zenbat eta adar gehiago izan orduan eta hobeto, askoz fruitu gehiago ematen dituelako horrela. Bada oraingoan ere, hemen gatoz guztiontzako zereginez beteta. Kontua da, Bannerra sortu dugula web orrietan eskegitzeko gure blogeko loturarekin batera, eta hau ahalik eta txoko gehienetara zabaltzea komeni da. Ea modu honetan lortzen dugun inguruko guztiak kuleroak buruan saltoka jartzea. Erronka galanta, ezta? Ba ekin gaurdanik zabaltze lanari zuen herriko web orrietara, lagunen blogetara, etab.era heldu dadin !

Horretaz gain, Jaikiko ibilbidea eta III topaketen helburu orokorrak idatziz daude blogeko Bitartekoen atalean. Oraingoz euskaraz dago bakarrik, baina datozen egunotan itzuliko ditugu frantses eta gaztelaniara.

Gaizto eta moreak izan...

Laster arte!

2010-03-22T04:38:00.000-07:00

Aupa Neskak!!

Beno, ostiral honetan ospatutako asanblada eta gero lanean jarraitzeko indarra hartu dugu! Zer hobeto ostiral goiza kuleroak buruan ditugula hastea baino! Eta, bada, horrela hasita ezin bukatu gaizki asanblada. Emankorra izan zen batzaldia, izan ere, egitaraua zehaztu genuen eta erabakita dago jada Hernanin jardungo garela sexu jolasez, identitatearen inguruan, indarkeria matxistari aurre egiten ikasiko dugula, irakatsi diguten maitasun arrosa eta antzu hori irauliko dugula eta sorkuntza feministaren garrantziaz hausnartuko dugula. Eta sarritan esan ohi dugun bezala, borrokarekin batera jairako tartea ere izango dugu maiatzaren 7,8 eta 9ko topaketan.

Behin zereginak finkatuta, III. topaketa emakume gazteon borroka feministarentzat bultzada garrantzitsua izango direlakoan gaude, asko ikasi eta gozatuko dugulako.

Orain, kuleroak burura eta salto mundura leloa eta topaketan filosofia, mamia txoko guztietara zabaltzeko ordua da. Ostiralean izan genuen lehengo kontaktua komunikabideekin. Berria egunkarian agertu ginen gure militantzia adorez eta umorez aurrera daramagula aldarrikatzen. Baina Euskal Herrian ezagutzea garrantzitsua den arren, guk herrietara heldu nahi dugula ongi dakigu eta horretarako datorren hilabetean auzo, herri eta unibetsitate ezberdinetan III. Topaketaren aurkezpenak izango dira. Hauek, nola ez, egun ,aurrera daramatzagun borroka eta aldarri ezberdinak gehiago sustraitzeko balioko dute.

Zu zeu ere kuleroak buruan dituzula munduan saltoka!

Euskal Herriko emakume gazteon III. topaketaren leloak zer esana eman duelakoan gaude. Entzuten duenak lehen aldiz irribarre batekin ematen dio ongi etorria, baina graziaz gain garrantzitsua da berea atzean dagoen irakurketa feminista ere ezagutzea. Horrela kuleroak buruan jartzeak gure egunerokotasunean egiten dugun oro ikuspegi feminista batetik egiten dugula adierazi nahi du, feminismoan pentsatzen dugu, hori daukagu buruan eta horrela bizi nahi dugu. Gainera, tradizioz emakumeak beti egon behar izan du ezkutatuta, gordeta. Modu berezi batean bere sexualitate gozagarria zapalduz. Guk, orain, kuleroak buruan jarrita, askatasunerako deiadarra zabaldu nahi dugu. Gainean jarri dizkiguten kapa guztaiak kendu eta emakumearen irudi askatzailea hedatu nahi dugu.

Asko gara eta askoz gehiago izango garenaren esperantza dugu, beraz, guztioi gonbidatzen zaituegu zuen atxikimendua ematera. Horretarako bidali zure argazkiak kuleroak buruan dituzula zu zeu ere saltoka gaztefeministak@gmail.com helbidera.

Laster arte...

OSTIRALA 19: Asanblada Donostian

2010-03-16T12:18:00.001-07:00

NESKAK!!!

Bueno pixkanaka-pixkanaka bagoaz martxan. Ziber-txapa behintzat hasi dugu! Bai, bai, tuenti eta facebooken ere aurkitu gaitzakezu (Jaiki Feminista Kuleroak Burura izenpean).

Gazteak garen heinean teknologia berriak eta web 2.0-a ere manejatze degula erakusteko! (juju)
Beno eta orain hurrengo asanblada deitzea tokatzen da:
Martxoaren 19an, 10:30etan Donostiko Craj-en izango da hurrengo asanblada, animatu zu eta zure lagunak!!

Bertan orain artekoari errepasoa egin eta aurrerantzean izango ditugun eginbeharrez mintzatuko gara. Egun horretan gainera, lehengo prentsaurrekoa emango dugu, beraz, ez ahaztu soinean daramatzazun kuleroez gain beste pare bat ere ekartzea argazkirako.

Garrantzitsua da, asanblada hontara azaltzea, orain arte azaldu ez bazara ere, hemendik aurrerakoak lotzeko zure laguntza eta partaidetza eskertuko dugulako!

Ba hoixe neskak, animatu, earki pasako degu ta! Kuleroak burura.... TA SALTO MUNDURA!!

Ostiralarte!!

ZABALDU MEZUA!!

PD: Laister kuleroen nondik norakoa aalduko dugu luzeago...

Hasi da akelarrea!

2010-03-11T11:38:00.000-08:00

Neskak eta gazteak izanda, nola egongo gara ba gu geldi? Ezin! eta ezta nahi ere!

Jakingo duzue gehienok maiatzaren 7, 8 eta 9an Euskal Herriko Emakume Gazteen Topaketak burutuko ditugula Hernanin (eta orain jakin duzuenok, apuntatu azkar agendan!)

Egitarau bete-betea prestatzen dihardugu baina horren berri izango duzue poliki-poliki. Dena hasieratik esan baino nahiago dugu eta sorpresak gorde eta egunek aurrera egin hala kontuak kontatzen joatea. Horretarako dago eta gure blog eder hau! Topaketak eta topaketa ez direnen inguruko informazioa egongo da bertan. Topaketetarako behar den materiala, eta norberari interesgarri gerta dakioken beste testu, irudi, bideo eta antzerakoak biltzea ere bada eta gure asmoa eta helburua.

Beraz, badakizu neska! animatu, parte hartu zeuk ere blog hau osatzen, eta zabaldu mezua! zabaldu zure inguruan, neska gazteek badugula berriz ere, martxan, guretzako bloga!

Patriarkatua sutara, kuleroak burura, gora gu! HASI DA AKELARREA!

Besarkada moreak denontzat!

Eta ez ahaztu! Martxan hasita, hor dugu MARTXA! larunbatean Iruñan ikusiko gara!

AZAROAK 25 emakumeonganako indarkeriaren aurkako nazioarteko eguna

2008-11-12T10:23:00.000-08:00

Azaroak 25aren arira emakume gazte bezala eguna indartzearen garrantzia ikusi dugu, beraz, mugimendu feministaren deialdietan parte hartzeaz gain, herri eta auzoetan ekimen ezberdinak egingo dira. Hauetara deia luzatzeko kartel mutu bat diseinatu dugu udako kanpainaren jarraipena dena.

Arazo teknikoengatik ezin dugu kartela bertan eskegi, beraz erabili nahi baduzue bidali mezua gaztefeministak@gmail.com helbidera eta bidaliko dizuegu.

UDAKO KANPAINA

2008-11-12T10:14:00.001-08:00

Udako jaietan gure mezua ikus zedin pegata hauek Euskal Herriko herri guztietara hedatzen ahalegindu ginen. Honekin batera herri askotan emakume gazteok ekimen ezberdinak antolatu genituen gure parte hartzea eta presentzia bultzatuz.
Mezua argia da, emakume gazteok sutan gaude, ez dugu eraso bat bera ere onartuko eta gure jaietaz zein kaleaz gozatzeko eskubidea bermatuko dugu!

EHko EMAKUME GAZTEON ASANBLADAREN ONDORIOAK

2008-04-13T08:56:00.000-07:00

Burutu diren Euskal Herriko IV. Jardunaldi Feministen harira kolektibo, eragile, gaztetxe eta neska talde ezberdinetako neska gazteok gazte mailan zeozer egitearen premia ikusi genuen, berdintasun formalaren belaunaldiaren parte izatea garesti ordaindu dugulako, kolektibo zapaldua izanik ere askotan horren kontzientziarik ez baitugu. Hori zela eta neska gazteok jaiki, lotu feminismora! dinamika martxan jarri genuen.

Apirilaren 11n burututako asanbladaren helburu nagusia, bizi dugun errealitateari begira azkar bat botatzea zen eta bereziki aurrera begirako bidea zehaztea eta alternatibak eraikitzea.

Asanblada burututa argi geratu da neska gazteok eraldaketarako grina daukagula, bertan bildutako emakumeak, 200 neskatik gora, horren erakusle gara. Antolakunde zein eremu ezberdinetan aktibaturik egonda, toki eta borroka guztietan neska gazteok ikuspegi feministatik eragiteko beharrizana dugu.

Hori guztia posible izan dadin konpromiso pertsonal eta kolektiboak hartu ditugu. Eta zehaztutako lehenengo erronka nazio mailako sarea sortzea izango da, eta internet bidez funtzionatuko du. Honekin batera, apirilak 11n bezala, noizean behin asanbladak deituko ditugu borrokaren garapena definitzen joateko eta norabide honekin bat bloga ere baliagarria izango da.

Hori guztia garatzeko eta asanblada bera motz geratu zaigula ikusita, EUSKAL HERRIKO EMAKUME GAZTEON III. TOPAKETAK burutzea erabaki dugu.

Egia da, lan handia dugu egiteko, baina gogoa eta gaitasuna ez zaigu falta beraz, emakume gazteak jaiki eta lotu feminismora!

2008-03-16T07:02:00.000-07:00

EMAN IZENA!!! gaztefeministak@gmail.com

AURKEZPENA KUKUTZA GAZTETXEAN

2008-03-15T04:57:00.000-07:00

Gaur martxoak 15 esparru ezberdinetako neska gazteak bildu gara "EMAKUME GAZTEOK JAIKI, LOTU FEMINISMORA!" dinamika aurkezteko. Dei egin diegu euskal emakume gazte guztiei beraien borroka eremuetan testuaren gainean hausnartu eta apirilak 11ko asanbladan parte hartzeko.

EMAKUME GAZTE FEMINISTOK DIOGU

2008-03-11T08:46:00.000-07:00

Egungo gazte belaunaldiok, berdintasun faltsuaren diskurtsopean hezi gaituzte. Emakumeen eskubideen aitortza formalak, emakumeak lan mundura eta hezkuntza sistemara sartzea, ideia feministen azaleko eraginak… guzti honek eszenatokiaren dekoratuan aldaketa txikiak eragin ditu, baina zapalkuntza integrala jasaten jarraitzen dugu. Instituzioek helarazten diguten gezurrezko parekidetasunaren diskurtsoaren eraginez, ez diogu diskriminazioari dagokion garrantzia ematen. Gazteak kontserbadoreak izatera bultzatzen gaituzte. Honen aurrean, gainera, sistema kapitalista patriarkarrak bere oinarriak ezkutuan mantendu eta zapalkuntza forma berriak garatu ditu eta orain zapalkuntza modu sotilagoak erabiltzen ditu. Ustezko parekidetasun horren seme-alabak garenok, gazteok, ikusten al dugu benetan zapalkuntza hau? Zapalkuntza honi aurre egiteko premiaz jabetzen al gara?

Berdintasun formalaren aurrean errealitatea oso bestelakoa da! Emakume gazteok bizitzaren eremu guztietan zapalkuntza eta diskriminazioa jasaten dugu! Ez daukagu gure eskubideak garatzeko askatasunik!

Hezkuntza formalean zein ez-formalean, sexuaren arabera egokitu zaizkigun rol eta paperak transmititzen dizkigute, historikoki gizonenak izan diren balioak gailentzen direlarik. Ukatua zaigu garapen integralerako eskubidea! Eremu pribatuan aritzeko gaitasunak garatu eta zapalduak izatera kondenaturik gaude, konsziente izan gabe!

Hezkuntza prozesuan familia eta eskola badira ere zutabe nagusiak, komunikabideek berebiziko garrantzia dute, hauetatik jasoko baitugu arrakasta izateko beharrezko dugun neska eredua: balore maskulinoak dauzkan emakumea (konpetitiboa, independentea, iniziatibaduna, gogorra, hausarta, razionala), emakume enpresaria, sexia, sensuala...

Modu berean, lan munduan neska gazteok prekarietate espezifikoa bizi dugu. Emakume gazteok ezkutuko lan merkatuan, zaintza lanetan edota zerbitzu sektore prekarioenetan aritzen gara bereziki. Langabezia eta aldi baterako kontratuak dira gure eguneroko ogia. Etxebizitza eskuratzeko ezintasunak independentzia pertsonala eskuratzeko garaia atzeratu du, honek bizi ereduen eta pertsonalitatearen eraikuntzan duen eragin ukaezinarekin.

Bizi eredu zehatza inposatzen zaigu. Gizonek desira gaitezen prestatu behar dugu gure gorputza (estereotipoak), eta gure gorputzaren jabe ez garen unetik, ez daukagu askapen sexualik. Non dago gure sexualitatea benetako askatasunez adierazi zein bizitzeko eskubidea? Eredu heterosexualak soilik eskeintzen dizkigute, bikote banaezin eta perfektuaren ideia salduz, gure printze urdina aurkitu behar dugula azpimarratuz.

Gazteon artean ditugun harremanak ez dira parekideak, zelan azaldu daiteke bestela indarkeria sexistak duen iraunkortasuna? Gazteoi transmititzen dizkiguten balioen ondorioz, botere harreman hierarkiko hauek elikatu egiten ditugu.

Finean, patriarkatuak bere biziraupena mantentzeko sexuen araberako rolak mantendu behar ditu, emakumeoi eremu ekonomiko, politiko eta ideologikoan dagokigun parte hartzea zapalduz.

Borroka honetan, antolakuntza eredu ezberdinetan aktibatuta gaude, neskez osatutako taldetan edota talde mistoetan. Ezin dugu ahaztu hala ere, gure asanblada edo taldeak ez direla gizartetik isolatutako guneak. Hau eraldatzeko lanean bagabiltza ere, maiz kritikatzen ditugun jarrerak birproduzitzen ditugu gure borroka esparruetan, generoari buruzko eztabaidak gerorako utzi ohi ditugu eta gure kolektiboetan gertatzen diren egoera ez parekideak identifikatzea kosta egiten zaigu, kasualitatera edo partaideon izaerara egotziz.

Honen aurrean jendartea eraldatu behar dugu. Bizi eredu eta harreman berriak eraikitzea beharrezkoa da! Euskal Herria feminista bat eraikitze bidean antola gaitezen! Emakume gazteon aktibazioa eta aliantza beharrezkoa da kontzientzia feminista zabaltzeko, dinamikak sortzeko… Azken batean, zapalkuntzari aurre egiteko.

Denon esku dago gure esparruak askatzea autokritika eginez eta kontzientzia feminista sustatuz! Horrela soilik lortuko dugu egoera iraultzea! Emakume gazteak aintzindari papera jokatu behar dugu, aldaketan subjetu aktibo izan behar dugu!

Nori egiten dio mesede sexu bereizkeriak?

Honi aurre egiteak komeni ahal zaio sistemari?

Berdin hezten bagaituzte emakumeoi eta gizonei, zergatik erahiltzen dira emakumeak?

Noizbait zure burua erreprimitu duzu dagoen eredua jarraitzeagatik?

Sentitu al duzu noizbait zure hitza gizonezko batena baino gutxiago baloratua izan dela?

Zure inguruan diskriminazio egoerak ikusi dituzu? Erantzuteko gai sentitu zara?

Zer balore dira zabaldu beharrekoak?

Nola lortuko dugu, egungo emakume gazteak, klabe feministan lan egitea?

Nola landuko dugu, “berdintasunean” jaio garenok, kontzientzia feminista?

Emakume gazteon eskubideak bermatzeko, nola jarriko ditugu martxan dinamika ezberdinak?